ਇਹ ਘਟਨਾ ਕ੍ਰਮ ਉਦੋਂ ਉਪਜਿਆ ਜਦੋਂ ਇੱਕ ਟੀ ਵੀ ਚੈਨਲ ਨੇ ਡੇਰਾ ਸਿਰਸਾ ਦੇ ਵਿਵਾਦਤ ਮੁਖੀ ਗੁਰਮੀਤ ਰਾਮ ਰਹੀਮ ਸਿੰਘ ਖਿਲਾਫ਼ ਡੇਰੇ ਦੇ ਮੈਨੇਜਰ ਫਕੀਰ ਚੰਦ ਦੀ ਹੱਤਿਆ ਦਾ ਮਾਮਲਾ ਦਰਜ ਹੋਣ ਦੀ ਖ਼ਬਰ ਪ੍ਰਸਾਰਿਤ ਕੀਤੀ । ਸ਼ਾਮ ਹੁੰਦੇ ਹੀ ਸਾਧ ਦੇ ਇਹ ਸਰਕਾਰੀ ਸ਼ਹਿ ਪ੍ਰਾਪਤ ਗੁੰਡੇ ( ਮੈਂ ਸ਼ੇਰੇ ਪੰਜਾਬ ਰੇਡੀਓ ਦੇ ਇੱਕ ਟਾਕ ਸ਼ੋਅ ਵਿੱਚ ਇਹਨਾਂ ਨੂੰ ‘ਪ੍ਰੇਮੀ’ ਕਿਹਾ ਸੀ , ਤਾਂ ਪ੍ਰਸਿੱਧ ਹੋਸਟ ਕੁਲਦੀਪ ਸਿੰਘ ਨੇ ਕਿਹਾ ਕਿ ‘ਪ੍ਰੇਮੀ’ ਹਿੰਸਾ ਨਹੀ ਫੈਲਾਉਂਦੇ ਹੁੰਦੇ ) ਪੰਜਾਬ – ਹਰਿਆਣਾ ਦੀ ਸੜਕਾਂ ਤੇ ਨਿਕਲ ਆਏ । ਜੋ ਦਿਲ ਵਿੱਚ ਆਇਆ ਉਹ ਕੀਤਾ । ਬਾਦਲ ਪਰਿਵਾਰ ਦੀਆਂ ਨਿੱਜੀ ਫਲੀਟ ਦੀਆਂ ਬੱਸਾਂ ਸਮੇਤ ਸਰਕਾਰੀ ਇਮਾਰਤਾਂ ਨੂੰ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਾਇਆ ਗਿਆ । ਪਰ ਕਿਤੇ ਵੀ ਪੁਲੀਸ ਦੁਆਰਾ ਹੁੰੜਦੰਗ ਮਚਾ ਰਹੀ ਭੀੜ ਨੂੰ ਖਿੰਡਾਉਣ ਲਈ ਹਵਾਈ ਫਾਇਰ ਜਾਂ ਲਾਠੀਚਾਰਜ ਨਹੀਂ ਕੀਤਾ ਗਿਆ ਜਿਸ ਤਰ੍ਹਾਂ ਆਮ ਸਿੱਖ ਪ੍ਰਦਰਸ਼ਨਕਾਰੀਆਂ ਨਾਲ ਹੁੰਦਾ ਹੈ। ਜੇਕਰ ਇਹੀ ਕੁਝ ਸਿੱਖ, ਕਿਸਾਨ ਜਾਂ ਕਿਸੇ ਹੱਕ ਮੰਗਦੀ ਹੋਰ ਜਥੇਬੰਦੀ ਨੇ ਕੀਤਾ ਹੁੰਦਾ ਤਾਂ ਪੁਲੀਸ ਦੀ ਗੋਲੀ ਤੇ ਕੁਝ ਵਿਅਕਤੀਆਂ ਨੇ ਨਾਂਮ ਲਿਖਿਆ ਜਾਣਾ ਨਿਸ਼ਚਿਤ ਸੀ , ਨਾਲੇ ਸਬੰਧਤ ਜਥੇਬੰਦੀ ਦੇ ਕੁਝ ਕਾਰਕੁੰਨਾਂ ਨੂੰ ਮਾਰੇ ਗਏ ਵਿਅਕਤੀਆਂ ਨੂੰ ‘ਸ਼ਹੀਦ’ ਦਾ ਦਰਜ਼ਾ ਦੇ ਕੇ ਹੱਕ ਮੰਗਣ ਅਤੇ ਸੁਰਖੀਆਂ ਵਿੱਚ ਰਹਿਣ ਦਾ ਮੌਕਾ ਮਿਲ ਜਾਣਾ ਸੀ । ਪਰ ਇੱਥੇ ਅਜਿਹੇ ਕੁਝ ਨਹੀਂ ਹੋਇਆ । ਕੀ ਸਾਡਾ ਪੁਲੀਸ ਪ੍ਰਸ਼ਾਸਨ ਅਤੇ ਸੱਤਾਧਾਰੀ ਧਿਰਾਂ ਸੌਦਾ ਸਾਧ ਦੀਆਂ ਕੱਠਪੁਤਲੀਆਂ ਹਨ । ਜੇਕਰ ਗੌਰ ਨਾਲ ਸੋਚਿਆ ਜਾਵੇ ਤਾਂ ਸਥਿਤੀ ਵਿੱਚੋਂ ਕੁਝ ਮਿਲੀਭੁਗਤ ਜਾਂ ਯੋਜਨਾਬੱਧ ਸੁਰਾਗ ਮਿਲਦੇ ਦਿੱਸਦੇ ਹਨ । ਕਿਉਂਕਿ ਇਹ ਹਿੰਸਕ ਕਾਰਵਾਈਆਂ ਕਰਨ ਲਈ ਉਹ ਦਿਨ ਚੁਣਿਆ ਗਿਆ ਜਦੋਂ ਪੁਲੀਸ ਦੀ ਵੱਡੀ ਨਫ਼ਰੀ ਸ੍ਰੀ ਆਨੰਦਪੁਰ ਵਿਖੇ ਹੋਲਾ ਮੁਹੱਲਾ ਹੋਣ ਕਰਕੇ ਉੱਥੇ ਅਮਨ ਅਮਾਨ ਕਾਇਮ ਰੱਖਣ ਲਈ ਜੁਟੀ ਹੋਈ ਹੈ । ਇਸ ਲਈ ਪ੍ਰਸ਼ਾਸਨ ਕੋਲ ਇਹ ਘੜਿਆ ਘੜਾਇਆ ਜਵਾਬ ਹੈ ਪੁਲੀਸ ਦੀ ਨਫ਼ਰੀ ਨਾ ਹੋਣ ਕਾਰਨ ਅਜਿਹੀਆਂ ਘਟਨਾਵਾਂ ਹੋਈਆਂ । ਪਰ ਹਰਿਆਣਾ ਵਿੱਚ ਕੋਈ ਹੋਲਾ -ਮੁਹੱਲਾ ਨਹੀਂ ਉੱਥੋਂ ਦੀ ਪੁਲੀਸ ਕਿੱਥੇ ਗਈ । ਦੂਜੀ ਗੱਲ ਇਹ ਵੀ ਹੈ ਕਿ ਡੇਰੇ ਵਾਲਿਆਂ ਨੇ ‘ਹੱਲਾ –ਬੋਲ’ ਹਮਲਾ ਕੀਤਾ ਪੰਥਕ ਜਥੇਬੰਦੀਆਂ ਵਾਗੂੰ ਪਹਿਲਾਂ ਹਮਲਾ ਕਰਨ ਦੀਆਂ ਕਰਕੇ ਖ਼ਬਰਾਂ ਵਿੱਚ ਰਹਿਣ ਦੀ ਡਰਾਮੇਬਾਜ਼ੀ ਨਹੀਂ ਕੀਤੀ । ਇਹਨਾਂ ਘਟਨਾਵਾਂ ਮਗਰੋਂ ਡੇਰੇ ਅਹਿੰਸਕ ਪ੍ਰਚਾਰ ਪਿੱਛੇ ਹਿੰਸਕ ਚਿਹਰੇ ਤੋਂ ਨਕਾਬ ਸ਼ਰੇ ਬਾਜ਼ਾਰ ਉੱਤਰ ਗਿਆ ਹੈ। ਬਿਨਾ ਸ਼ੱਕ ਡੇਰੇ ਦੀ ਦੁਕਾਨਦਾਰੀ ਹੁਣ ਵੀ ਚੱਲਦੀ ਰਹਿਣੀ ਹੈ । ਸ਼ਰੋਮਣੀ ਅਕਾਲੀ ਦਲ ਵਾਲੇ ਇਹ ਘਟਨਾਵਾਂ ਲਈ ਕਾਂਗਰਸ ਨੂੰ ਵੀ ਦੋਸ਼ੀ ਨਹੀਂ ਠਹਿਰਾ ਸਕਦੇ ਕਿਉਂਕਿ ਦੋਸ਼ ਕਾਂਗਰਸ ਸਿਰ ਲਾਉਣ ਤੋਂ ਪਹਿਲਾ ਸੋਚਣਾ ਪਵੇਗਾ ਕਿ ਜੇਕਰ ਪੰਜਾਬ ਵਿੱਚ ਕਾਂਗਰਸ ਨੇ ਹਿੰਸਾ ਕਰਵਾਈ ਹੈ ਤਾਂ ਹਰਿਆਣਾ ਵਿੱਚ ਕਾਂਗਰਸ ਸਰਕਾਰ ਹੈ ਅਤੇ ਹਿੰਸਾ ਤਾਂ ਉੱਥੇ ਵੀ ਹੋਈ ਹੈ ।

ਦੂਜੇ ਪਾਸੇ ਡੇਰੇ ਦੇ ਤੇਜ -ਤਰਾਰ ਬੁਲਾਰੇ ਅਦਿੱਤਿਆ ਇਨਸਾ ਨੇ ਫਿਰ ਪੱਲਾ ਝਾੜਦਿਆਂ ਕਿਹਾ ਕਿ ਪ੍ਰੇਮੀ ਅਜਿਹਾ ਨਹੀਂ ਕਰ ਸਕਦੇ ਅਤੇ ਡੇਰਾ ਮੁਖੀ ਖਿਲਾਫ਼ ਹੋਏ ਕਤਲ ਦਾ ਪਰਚੇ ਬਾਰੇ ਉਸਨੂੰ ਕੋਈ ਜਾਣਕਾਰੀ ਨਹੀਂ । ਇਹ ਗੱਲ ਨਾਲ ਅਸੀਂ ਵੀ ਸਹਿਮਤ ਹੈ ਕਿ ਡੇਰਾ ਪ੍ਰੇਮੀ ਅਜਿਹਾ ਨਹੀਂ ਕਰ ਸਕਦੇ ਪਰ ਡੇਰੇ ਦੀ ਸ਼ਹਿ ਪ੍ਰਾਪਤ ਗੁੰਡੇ ਅਕਸਰ ਹੀ ਅਜਿਹੀਆਂ ਵਾਰਦਾਤਾਂ ਨੂੰ ਅੰਜਾਮ ਦਿੰਦੇ ਹਨ । ਪਰ ਸਰਕਾਰਾਂ ਦੀ ਡੋਰ ਵੋਟ ਬੈਂਕ ਦੇ ਹੱਥ ਹੁੰਦੀ ਹੈ ਅਤੇ ਜਿ਼ਆਦਾਤਰ ਵੋਟਰਾਂ ਦੀ ਡੋਰ ਡੇਰਾ ਮੁਖੀ ਵਰਗੇ ਲੋਕਾਂ ਤੇ ਹੱਥ ਵਿੱਚ ਹੁੰਦੀ ਹੈ ਇਹੀ ਲਈ ਇਹ ਸਿਆਸੀ ਕੱਠਪੁਤਲੀਆਂ ਨੂੰ ਡੇਰੇਦਾਰ ਜਿਵੇਂ ਮਰਜ਼ੀ ਨਚਾਉਂਦੇ ਰਹਿੰਦੇ ਹਨ। ਭਾਵੇਂ ਦੋਵਾਂ ਰਾਜਾਂ ਵਿੱਚ ਰੈੱਡ ਅਲਰਟ ਕਰ ਦਿੱਤਾ ਹੈ । ਮਾਲਵੇ ਵਿੱਚੋਂ ਗੁਜਰਨ ਵਾਲੀਆਂ ਕਈ ਰੇਲ ਗੱਡੀਆਂ ਵੀ ਰੱਦ ਕਰ ਦਿੱਤੀਆਂ ਹਨ ।

ਪੁਲੀਸ ਨੇ ਛਾਪਾ ਮਾਰ ਕੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਬਾਬੇ ਖਿਲਾਫ਼ ਦੋਸ਼ ਹੈ ਕਿ ਧਰਮ ਦੀ ਆੜ ਵਿੱਚ ਆਸ਼ਰਮ ਵਿੱਚ ਲੜਕੀਆਂ ਤੋਂ ਨਾਂ ਕੇਵਲ ਅਨੈਤਿਕ ਕੰਮ ਕਰਵਾਏ ਜਾਂਦੇ ਹਨ ,ਬਲਕਿ ਉਨ੍ਹਾਂ ਨੂੰ ਵਿਦੇਸ਼ ਵਿੱਚ ਵੇਚਿਆ ਵੀ ਜਾਂਦਾ ਹੈ ।

ਸੂਤਰ ਦੱਸਦੇ ਹਨ ਕਿ ਇਹ ਆਸ਼ਰਮ ‘ਜਸਪਾਲ ਸਿੰਘ ਯੂ ਐਸ ਏ ਵਾਲੇ ਬਾਬਾ ਜੀ’ ਦਾ ਹੈ । ਪੁਲੀਸ ਨੂੰ ‘ਬਾਬਾ ਜੀ ‘ ਤਾਂ ਨਹੀਂ ਮਿਲੇ ਪਰ ਬਾਬੇ ਦੇ ਦੋ ਚੇਲੇ ਪੁਲੀਸ ਦੇ ਹੱਥ ਲੱਗ ਗਏ । ਪੁਲੀਸ ਨੇ ਆਸ਼ਰਮ ਦੇ ਬਾਹਰ ਖੜੀ ਗੱਡੀ ਵਿੱਚੋਂ ਲੜਕੀਆਂ ਦੇ ਕੱਪੜੇ ਅਤੇ ਇਤਰਾਜ਼ ਯੋਗ ਸਮਾਨ ਵੀ ਬਰਾਮਦ ਕੀਤਾ ਹੈ।

ਲੁਧਿਆਣਾ ਨਿਵਾਸੀ ਇੱਕ ਵਿਅਕਤੀ ਦੀ ਸਿ਼ਕਾਇਤ ਤੇ ਸਥਾਨਿਕ ਪੁਲੀਸ ਨੇ ਇਹ ਕਾਰਵਾਈ ਕੀਤੀ । ਸਿ਼ਕਾਇਤ ਕਰਤਾ ਦਾ ਕਹਿਣਾ ਹੈ ਕਿ ਇਹ ਬਾਬਾ ਉਸਦੀ ਬੇਟੀ ਅਤੇ ਇੱਕ ਹੋਰ ਲੜਕੀ ਨੂੰ ਆਪਣੇ ਜਾਲ ਵਿੱਚ ਫਸਾ ਕੇ ਲੁਧਿਆਣਾ ਤੋਂ ਭਜਾ ਲਿਆਇਆ ਹੈ। ਸਿ਼ਕਾਇਤਕਰਤਾ ਨੂੰ ਸ਼ੱਕ ਹੈ ਬਾਬਾ ਦੋਵਾਂ ਲੜਕੀਆਂ ਨੂੰ ਵਿਦੇਸ਼ ਵਿੱਚ ਵੇਚਣ ਦੀ ਤਿਆਰੀ ਵਿੱਚ ਹੈ ।

ਪੁਲੀਸ ਨੂੰ ਸੂਚਨਾ ਮਿਲੀ ਸੀ ਕਿ ਬਾਬਾ ਗੁੜਗਾਉਂ ਦੇ ਪਾਲਮ ਵਿਹਾਰ ਇਲਾਕੇ ਵਿੱਚ ਬਣੇ ਤਿੰਨ ਮੰਜਿਲਾ ਆਸ਼ਰਮ ਵਿੱਚ ਲੁੱਕਿਆ ਹੋਇਆ ਹੈ। ਪੁਲੀਸ ਦੀ ਟੀਮ ਜਦੋਂ ਇਸ ਆ਼ਸਰਮ ਵਿੱਚ ਪਹੁੰਚੀ ਤਾਂ ਉੱਥੇ ਮੌਜੂਦ ਵਿਅਕਤੀਆਂ ਨੇ ਅੰਦਰੋਂ ਦਰਵਾਜਾ ਨਹੀਂ ਖੋਲ੍ਹਿਆ । ਪੁਲੀਸ ਕਰਮੀ ਕੰਧ ਟੱਪ ਕੇ ਆਸ਼ਰਮ ਵਿੱਚ ਦਾਖਿਲ ਹੋਏ ਅਤੇ ਉੱਥੇ ਮੋਜੂਦ ਦੋ ਚੇਲਿਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ । ਪੁਲੀਸ ਨੂੰ ਉਥੇ ਖੜੀ ਕਾਰ ਅਤੇ ਬੇਸਮੈਂਟ ਵਿੱਚੋਂ ਅਸ਼ਲੀਲ ਵੀਡਿਓ , ਕੁੜੀਆਂ ਦੇ ਕੱਪੜੇ ਅਤੇ ਹੋਰ ਇਤਰਾਜ਼ਯੋਗ ਸਮਾਨ ਮਿਲਿਆ ਹੈ । ਕੱਪੜਿਆਂ ਤੋਂ ਹੀ ਸਿ਼ਕਾਇਤਾ ਕਰਤਾ ਸ਼ਨਾਖਤ ਕਰ ਲਈ ਹੈ।